საქართველოს კანონმდებლობით განბაჟებას ექვემდებარება 300 ლარის ან მეტი ღირებულების, 30კგ ან მეტი წონის ან ერთგვაროვანი საქონელი. 

ძვირფასო მომხმარებლებო,  გთხოვთ გაითვალისწინოთ: თუ თქვენს მიერ გამოწერილი ამანათები მოხვდა ერთ რეისზე, ხოლო მათი ჯამური ღირებულება აღემატება 300 ლარს, ამ შემთხვევაში ექვემდებარება განბაჟებას.

საქართველოში ერთი რეისით შემოსული სხვადასხვა ვებ-გვერდზე შეძენილი ნივთები, რომელთა ჯამური ღირებულება აღემატება 300 ლარს, არ ექვემდებარება განბაჟებას.

განბაჟების პროცედურაზე პასუხისმგებლობა ეკისრება მომხმარებელს, თუმცა, კომპანია მას დახმარებას გაუწევს დოკუმენტაციის მომზადებაში. ამ მომსახურების საფასური განისაზღვრება 7 ლარით თითოეულ დეკლარაციაზე.

იმ შემთხვევაში, თუ საბაჟო სამსახური ან ფინანსთა სამინისტრო კომპანია „ფოსტალონს’’ დააკისრებს საჯარიმო სანქციას მომხმარებლის მიზეზით (მაგ.: პროდუქციის არასრული ან არაზუსტი დეკლარირების გამო), კომპანია იტოვებს უფლებას, აღნიშნული ჯარიმა მომხმარებელს დააკისროს.

აკრძალული პროდუქციის ჩამონათვალი შეგიძლიათ იხილოთ ბმულზე.

იმ შემთხვევაში, თუ მომხმარებელი არ დაემორჩილება აკრძალვას და  აკრძალულ პროდუქციას მაინც გამოგზავნის, კომპანია „ფოსტალონი“ მსგავსი პროდუქციის ჩამოტანაზე ან გამომგზავნისთვის დაბრუნებაზე პასუხისმგებლობას არ იღებს. ასეთი შემთხვევა ჩაითვლება მომსახურების პირობების დარღვევად, მომხმარებელს დაეკისრება ჯარიმა კომპანიისთვის მიყენებული მატერიალური ზარალის ოდენობით და შეუწყდება მომსახურება.

იმ შემთხვევაში თუ მომხმარებელი ამანათს არ განაბაჟებს საბაჟოზე შემოსვლიდან  30 კალენდარული დღის ვადაში, ამანათი გადაეცემა სახელმწიფოს კუთვნილებაში.